#أحرار25 | د. أحمد غانم يكتب : بالعامية! الفكرة في الإخوان إنهم تيار إصلاحي.....

‫#أحرار25 | د. أحمد غانم يكتب : بالعامية!

الفكرة في الإخوان إنهم تيار إصلاحي..يعني بالعامية كده عمرهم ما كانوا هيعملوا ثورة على مبارك ولو حصل فيهم إيه….هما كان أقصى آمالهم كام كرسي في البرلمان على شوية مجالس محلية……

اللي حصل في 25 يناير إن الشباب اليساري هو اللي اشعل الشرارة..لكن الشرارة دي كانت هتختفي وتنطفي زي أي مظاهرة لو الإخوان مانزلوش بكثافة يوم جمعة الغضب….. والثورة كان المفروض تنتهي على إيد البلطجية يوم موقعة الجمل لولا برضة وجود الإخوان..أنا كنت في ميدان التحرير بنفسي ومحدش قالي..ولولا الإسلاميين كانت اعتصام التحرير اتفض بعد كام يوم أو على الأكثر يوم موقعة الجمل وخطاب مبارك العاطفي اللي خلى الأغلبية معاه …لأن الإخوان عندهم اللي مش عند الشباب الثوري: القواعد والتنظيم الهرمي القادر على الاستمرار وتحويل (الشرارة /الحالة المؤقنة) إلى حالة حراك طويل الأمد….

الغريب إن ده هوا اللي راهن عليه السيسي وملهمه الفكري هيكل في الانقلاب بخطة جهنمية لتحييد الشباب الثوري والاستفراد بالإسلاميين اللي هما إصلاحيين ومش هيثوروا من غير “شرارة” الشباب الثوري..
كل ده كان تفكير سليم وكان فعلا الانقلاب هيمر وهيتعمل “مصالحة” سياسية أو “ديل” ويتفض اعتصام رابعة بأمر الإصلاحيين من جماعة الإخوان في مقابل كام وزارة وكام كرسي… لغاية ما حصلت مذبحة رابعة والنهضة واللي كانت تحول تاريخي هيقف عنده المؤرخين ..لإن دي اللحظة اللي حولت شباب كثير من الإسلاميين (مش الإخوان بس) من خانة الفكر الإصلاحي اللي ممكن يتعايش مع العسكر لخانة الفكر الثوري اللي ممكن يشعل شرارة الثورة بنفسه ومش محتاج التيار اليساري يشعلهاله..
يعني يا سيسي يافالح إنت بمذيحة الاعتصام كسرت المعادلة اللى حافظت على نظام مبارك لمدة 30 سنة وطبيعي بعد تغيير معطيات المعادلة إن النتايج تتغير…

يعني الخلاصة إن المعادلة اتغيرت و الشباب الثورياليساري معدش جزء ضروري من المعادلة لاشتعال الموقف أو الثورة..شباب الإخوان بعد اللي حصل فيهم عندهم القدرة دلوقتي على إشعال جمع غضب جديدة وثورات جديدة من غير (عامل مساعد خارجي) ووجودهم في المعارضة ووجود حكومة فاشلة في بلد داخلة على الإفلاس وانكشاف “ثوار الأمس” يالصراع على الفتات اللي بيقع لهم من العسكر والتعود على لون الدم والقتل والسجن..كل ده بيخلي المعادلة تمشى في اتجاه واحد فقط…
طبعا اللي بيحكم على الأمور بيوم أو اسبوع أو بمرور دستور أو سجن مجموعة مش هيقتنع بالكلام اللي بقوله ده..لكن اللي يبص للصورة الكبرى ويفتكر إن الثورة نفسها حصلت بعد أكبر انتصار للحزب الوطني في البرلمان وبعد ما جمال وشلته استقروا والاقتصاد كان فعلا بيتحسن ومعدل النمو في مصر كان بيزيد هيعرف إيه المصير في ظل ديكتاتورية مفضوحة واقتصاد منهار وبلد فيها انقسام حاد…الثورة الحقيقة جاية..كل اللي فات ده كان مجرد المقدمة لكتاب كبير لسه بنقلب أول صفحة منه…
وإن غدا لناظره قريب!

#قاطع #الوثيقة_السوداء
#اصحى_ياجيشنا
#25يناير
.‬

#أحرار25 | د. أحمد غانم يكتب : بالعامية!

الفكرة في الإخوان إنهم تيار إصلاحي.....

شبكة نبض اونلاين
www.nabdon.com